تورکی شعرلر
برنامه دانلود الیه بولرسیز
عکس لر
جک
تورکی رپ اوخویان لار
Page Title
SiaHacker
گوزللرین ان گوزه لی یاشیل یوردوم تالان اولماز
دادلیلارین ان دادلی سی انا دیلیم اسیر قالماز
مدیرین اورک سوزلری:
بو سایتی سیز عزیزلره انا دیلینی اونود ماماغ اوچون دوزد می شیخ .امیدیم وار اوز دیلیزین حرمتینی همیشه هر یر ده حفظ الییسیز. مخصوصا ایندی بو زامان دا کی بیزیم مملکت ده (ایران) فارس لار بیزیم علیه یمیزه بیر بله تبلیغات لار الیییللر حتی اینترنت ده .
منیم قصدیم بو سایتی دوزدمغیننن فقط انا دیلین اونودماماخدی ... سیز عزیزلر ده اگر ایسدسز سایت یا وبلاگ جویلویسیز سعی الیین اوز دیلیزیینن یازین .(انا دیلیزیینن )
منیم ادیم سیاوش دی و 21 یاشیم وار
تورکی شعر لر
1ـ عشقين کی قراريندا وفا اولمياجاقميش
بيلمم کی طبيعت نيه قويموش بو قراری؟
×××××××××××××××××××××××××××××
2ـ بایرام :
یئنه گلدی گوللو باهار بایرام ائدیر ائللریمیز
یئنیله شیر گونلر آیلار گؤروشوروک دوستلارلا بیز
اوره گیمیز گولمه سه ده اومودلارلا دولور داشیر
خوش گله جک آرزوسیله سایسیز درده دؤزور یاشیر
قارا قئش تک بیلیر بیر گون یامان گونده سونا چاتار
اوزو گولر ائل اوبانین عاشیق اوخور قاطار قاطار
جان بوداغی چیچکله نر گولوش قونار دوداقلارا
یاز نفسلی سئوینج دولار یاس قوخولو اتاقلارا
گونش گولر بوز بولاغا مارال گزر اؤز داغینی
بولبول دؤنر گول بوداغا چیچک به زه ر اؤز باغینی
گؤزللرین ان گؤزه لی یاشیل یوردوم تالان اولماز
دادلیلارین ان دادلی سی آنا دیلیم اسیر قالماز
ایندی دورو خیاللاردا یاشانیر شوخ باهاریمیز
سئوگی دولو کونوللرده قورونورو دیاریمیز
شنلیگیمیز اولماسادا یئنه دئیب گولمه لییک
باغچامیزدا یئنی آچان گول قدرینی بیلمه لییک
×××××××××××××××××××××××××××××
شیرین شیرین یوخودایدیق
بیر ظالیم اویالتدی بیزی
آنالارین قوجاقیندان
بودونیایا آلتیدی بیزی
بیز کی یول نه دیر بیلمزدیک
بیز کی سئو نه دیر بیلمزدیک
بیلسک دونیایا گلمزدیک
آنالار آلداتدی بیزی
×××××××××××××××××××××××××××××
4ـ سئوگیلیم (بیر آدسیز یازاردان):
سئوگيليم بيليرم سن چيچک کيمی
باهار. اولفت. سئوينج. ايشيق سئويرسن.
صداقتله دولو بير اورک کيمی
منی اوزوندن ده آرتيق سئويرسن.
گوندوزلر سن دونسن جوشغون بولاغا
چاغلايان دويغوندا منم. سئوگيليم!
گئجه لر سن گيرسن راحات ياتاغا
ناراحات يوخوندا منم. سئوگيليم!
کيم اوز سئوديگينی قايغی لی گوزله
اوزوندن ده آرتيق سئومه سه اگر
سينه سی دولاندا دئ هانسی سوزله
سئوگی دن دانيشار. سئوگی دن دئير؟..
×××××××××××××××××××××××××××××
5ـ بیر شعر داها بابک قوجا اوغلودان:
ساچلارينا بنزتميشم گئجه مي
اوزاق گزمه يانيما گل سئوگيليم
دوداغيندا ايتيرميشم سؤزومو
گولوشونله جانيمي آل سئوگيليم
سن او تايدا من بو تايدا آرالي
کؤنلوم درد ايلندن اولوب يارالي
يانيما گل آذربايجان مارالي
گولوشونله جانيمي آل سئوگيليم
کؤنلومده بو حسرن منه درد اولور
اوره ييمدن آخيب گؤزومه دولور
وئردييين گوللرين ايلمده سولور
گولوشونله جانيمي آل سئوگيليم
سن منيم چون يازيلماميش بير شعير
سطيرلر دينله نير سطيرلر دئيير
بو کلمه لر ماهني کؤينه يي گئيير
گولوشونله جانيمي آل سئوگيليم
بابکين شعرينده غم وار کدر وار
ووصالا چاتماغا مين بير تهر وار
هر گئجه سونوندا يقين سحر وار
گولوشونله جانيمي آل سئوگيليم